Одборот за надворешни односи на американскиот Сенат денеска го поддржа предлогот на американскиот претседател Џо Бајден дипломатката од кариера, Линда Томас-Гринфилд, да биде новиот амбасадор на САД во Обединетите нации.
Одборот гласаше со 18 „за“ наспроти четири „против“ во корист на номинираната дипломатка, јавија британските медиуми.
Засега не е познато кога потврдата за нејзиното назначување ќе биде изнесена пред целиот состав на Сенат, каде во моментов се расправа за Законот за олеснувањата поради Ковид-19, а следната недела треба да се спроведе и постапката за импичмент против поранешниот американски претседател Доналд Трамп.