Поради недостиг на кадар, управител на болница во бугарскиот град Дупница бара државата да му даде дозвола на доктор да работи како анестезиолог, и покрај тоа што тој е осуден за убиство и во моментов издржува казна затвор.
Барањето е проследено до директорот на затворот, но и натаму се прегледуваат условите дали е можен ваков преседан.
Пред повеќе од 10 години, д-р Николај Карастојанов заедно со неговиот брат и татко се скарале со дечкото на неговата ќерка Николај Радев. Радев бил прободен и подоцна починал. За убиството се осудени сите тројца од семејството Карастојанов, меѓу кои и Николај.