Претседателот на Собрание на Република Северна Македонија, Африм Гаши, упати честитка до граѓаните од исламска вероисповед по повод празникот Курбан Бајрам, посакувајќи им мир, здравје и благосостојба.
Во честитката, Гаши истакна дека Курбан Бајрам е празник на пожртвуваноста, хуманоста и блискоста меѓу луѓето, преку кој се обновуваат вредностите на солидарноста, разбирањето и меѓусебната почит.
Тој нагласи дека празникот потсетува на важноста од грижата за другите, споделувањето добрина со семејството, соседите и со сите на кои им е потребна поддршка и човечка топлина.
„Курбан Бајрам е исто така повик за поголемо единство, мир и хармонија во нашето општество, зацврстувајќи ја вербата дека само заедно можеме да изградиме подобра иднина за сите граѓани“, се наведува во честитката.
Во име на Собранието и во свое лично име, Гаши им посака на верниците празничните денови да донесат душевен мир, среќа и благосостојба во нивните семејства, упатувајќи честитки по повод Курбан Бајрам.