Првата дама на Украина Олена Зеленска ја објави својата прва јавна изјава во писмо упатено до глобалната заедница.
Во него, таа ги пренесува ужасите на војната, особено за жените и децата. Таа, исто така, именуваше неколку деца жртви во војната досега:
„Осумгодишната Алис која почина на улиците на Охтирка додека нејзиниот дедо се обидуваше да ја заштити. Полина од Киев, која загина во гранатирањето со нејзините родители. 14-годишниот Арсениј беше погоден од урнатини во главата и не можеше да се спаси бидејќи брзата помош не можеше да дојде до него на време поради интензивните пожари. Кога Русија вели дека „не води војна против цивилите“, јас прво ги повикувам имињата на овие убиени деца“, напиша таа.
Таа се заблагодари на поддршката од меѓународната заедница и од соседните земји кои примија бегалци. Но, таа ги повтори и повиците на нејзиниот сопруг, претседателот Зеленски, за западните земји да прогласат зона на забранети летови.
НАТО се спротивстави на оваа акција бидејќи во неа би биле вклучени западните сили кои најверојатно воено ќе се ангажираат со руски авиони.
„Потребни ни се оние кои се на власт да го затворат небото. Затворете го небото и ние самите ќе управуваме со војната на теренот. Со ова писмо сведочам и му кажувам на светот: војната во Украина не е војна „некаде таму“. Ова е војна во Европа, блиску до границите на ЕУ. Ако не го спречиме Путин, кој се заканува дека ќе започне нуклеарна војна, нема да има безбедно место во светот за никој од нас“, вели Зеленска.