Румен Радев, претседателот на Бугарија, денеска потпиша указ со кој му даде предлог на Националното собрание на Бугарија, да го избере Пламен Николов за премиер предложен од политичката партија „Има таков народ“.
Николов денеска пред Радев, во уставниот рок, ја престави структурата и составот на предлог-кабинетот на партијата „Има таков народ“.
– Знам од искуство колку е тешко да се формира кабинет. Да се привлечат чесни луѓе со јасни граѓански позиции со потребна експертиза, искуство и визија за развој на соодветното министерство. Луѓе кои можат да се соберат во едно и ефикасно тело. Се надевам дека успеавте во оваа тешка задача – рече Радев.
Владата што ќе биде предложена за гласање ќе има двајца вицепремиери.
Засега ниту една партија не искажа категоричен став дали ќе ја поддржи владата на Николов. Единствено од ГЕРБ истакнаа дека ќе гласаат против кабинетот на „Има таков народ“.