Расправија пред Универзална сала во Скопје. Градоначалничката на Град Скопје, Данела Арсовска се скара со претседателката на собранието на Асоцијација на архитекти, како и со проектантот кој го донираше проектот за реновирање на салата.
Арсовска настојува дека сегашниот објект не е безбеден и дека тоа го знаел и нејзиниот претходник, Петре Шилегов, но и покрај тоа не ја прекинала работата поради локалните избори.
Проектантот Бујар Муча уверува дека проектот е безбеден.
Министерката за култура пак, Бисера Костадиновска-Стојчевска повика изградбата на универзална да продолжи. Овој објект е многу важен за културата, за скопјани и за целата држава и претставува симбол на солидарноста, заклучи министерката Костановска.
Никој не успеа да ја убеди Арсовска дека објектот е безбеден, па по архитектот, си замина и проектантот. Арсовска рече дека објектот ќе биде реконструиран, но со друг проект, кој според неа, нема да претставува опасност за граѓаните.