Најмалку 27 лица загинаа откако авион за обука на воздухопловните сили на Бангладеш се урна вчера во универзитетски и училишен кампус во Дака, соопштија денес официјални лица, а 88 лица, вклучувајќи деца, се лекуваат во болница.
Авионот Ф-7 БГИ се урна кратко по полетувањето околу 13 часот во понеделник од воздухопловната база Курмитола во главниот град на рутинска мисија за обука. Војската соопшти дека авионот претрпел механички дефект.
Саједур Рахман, специјален помошник на главниот медицински советник, им изјави на новинарите дека 27 лица загинале, а 88 биле примени во болница со изгореници.
🚨 BREAKING
— Intel Tower🗽 (@inteltower) July 21, 2025
A Bangladesh Air Force FT-7BGI fighter jet, a Chinese-built variant of the Chengdu J-7 used for training, crashed near Milestone College’s Uttara campus in Dhaka during a routine mission.
The aircraft, bearing tail number 701, resulted in the death of its pilot,… pic.twitter.com/Y38p4DEsoB
Владата прогласи ден на жалост, со спуштени знамиња на половина копје и посебни молитви на сите верски служби. Пилотот е меѓу загинатите во инцидентот, соопшти војската, додавајќи дека е формиран комитет за истрага на инцидентот.
Ф-7 БГИ е најновата и најнапредна варијанта во кинеското семејство борбени авиони Ченгду Ј-7/Ф-7. Бангладеш потпиша договор за купување на 16 од авионите во 2011 година, а испораките се очекува да бидат завршени до 2013 година.
Несреќата се случи неколку недели откако авион на Ер Индија се урна во студентски дом на медицински колеџ во Ахмедабад, соседна Индија, при што загинаа 241 од 242 лица во авионот и 19 на земја во најлошата воздушна катастрофа во светот во последната деценија.