Реформи во правосудството и во 2021 година – „Недоволна е проверката на застарените предмети“

ПОСЛЕДНИ ВЕСТИ

Во ковид центрите во Скопје за 24 часа се хоспитализирани 34 пациенти, а вкупно се лекуваaт 286 болни, сомнителни и потврдени за КОВИД -19

Во изминатите 24 часа во ковид центрите во Скопје се хоспитализрани 34 нови пациенти поради компликации од корона вирусот....

Општина Центар ќе додели 400.000 денари за помош на Петриња во Хрватска

Советот на Општина Центар на вчерашната 59. седница донесе одлука да додели парична помош во висина од 400.000 денари...

Најзадоволни од професијата се ИТ професионалците и дизајнерите, најмалку вработените во производство, угостителство, економисти и правници

Над 70 отсто од економистите и над 50 проценти од правниците би ја промениле професијата, покажува истражувањето на  Brainster. На...

Без вода корисниците од повеќе улици од Скопје

Без вода денеска ќе бидат корисниците од улиците „Видое Смилевски Бато“, „Панче Неделковски“, „Ќемал Ататурк“ и „Коста Абрашевиќ“, информираат...

Полска најави правни активности против Фајзер за недоставување на сите вакцини

Полска би можела да преземе правни активности против американската фармацевтска компанија „Фајзер“, бидејќи не се доставени сите договорени количини...

Направени се чекори во подобрувањето на правосудството во нашата земја, но треба да се работи уште, оценуваат од Коалицијата „Сите за правично судење“.

„Она што недостасува за граѓаните да биде поопипливо е она што се очекува како насока на промена и оценување на кадарот кој постапува во овие институции. Од клучно значење би било во овој момент улогата на судскиот совет кој што би требало да го изврши процесот на проверка.“, вели Натали Петровска.

Владиното ветување за проверка на 5% од пресудите, од коалицијата го гледаат како недоволно.

„Основот по кој што се тргна во насока на проверка на ова што е сработено од судиите во претходниот изминат период е многу ограничен од причина што застарувањето само по себе во предметите кои во овој момент тимови од страна на судски совет го прават низ судовите во Македонија, проверката на евентуално застарени предмети на долго водени предмети, утврдување на објективни и субјективни критериуми кои влијаеле на евентуалното застарување на предметите само по себе е недоволно.“, рече Петровска.

Од коалицијата „Сите за правично судење“ додаваат дека суштинска проверка не би можело да се утврди преку еден ваков процес.

Инаку од високопрофилните предмет кои се во Кривичниот суд, а голем број од нив покренати од СЈО речиси и да нема најава да завршат.

Дел од тие предмети се и „Траекторија“, „Тортура“, „Тендери“, „ТНТ“, „Тотал“, „Трезор“, „Таргет-тврдина“, „Титаник“.

Нема ништо ниту од истрагите кои ги отвори СЈО, а сега преземени од редовното обвинителство: „Продуцент“, „Транспортер 2“, „Тарифа 2“, „Странски служби“, „Попис“, „Актор“, „Моќник“, „Базни станици“ и други.
И во новиот план на Владата, наречен „Акција 21“ како прв приоритет е судството, поточно неговото прочистување. Сепак, и претходно овој сектор беше посочуван како нешто за што ќе биде посветено најмногу внимание. Иако го имаше во планот 3-6-9, сепак и натаму недовербата на граѓаните во правосудниот систем е на ниско ниво.