Русија ќе му исплати отштета на Азербејџан за падот на патничкиот авион на „Азербејџан ерлајнс“ (AZAL) во декември 2024 година.
Авионот се урна додека руската воздушна одбрана одбиваше напад на украински беспилотни летала во регионот на Кавказ.
Азербејџански авион на пат од Баку кон Грозни се урна утрото на 25 декември 2024 година, во близина на Актау, Казахстан.
38 лица загинаа, додека 29 преживеаа.
Баку веднаш објави дека авионот се урнал „како резултат на надворешно влијание“.
Москва долго време негираше дека дејството на нејзиниот систем за воздушна одбрана е причина за соборувањето на авионот, но речиси една година подоцна ја призна својата вмешаност.
Русија и Азербејџан постигнаа „соодветно решение за последиците, вклучително и прашањето за репарации“, се наведува во заедничката изјава на министерствата за надворешни работи на двете земји.