Ковид координаторот на Инфективна клиника, Сабри Азири се вклучи во дебатата во „Клик Плус“ на ТВ21 со директорите Докиќ и Стевановиќ, и министерот Филипче.
Азири рече дека има одлична соработка со сите клиники, како и со министерот Филипче. Истакна дека ќе работат 24-7, колку што е потребно, само да ги услужат пациентите.
„Јас како координатор работам 24-7, бидејќи сум достапен за нашите пациенти. И така ќе издржиме до кога е потребно, само да ги услужиме нашите пациенти. На почеток имавме состанок со сите главни сестри на Клинички, и горд сум што како никогаш досега сите сме сплотени, и излегоа во пресрет да пратат сестри, болничарки. Во исто време и во ковид центрите, ние праќаме лекари“, рече Азири кој ја истакна одличната координација и поддршка со сите Клиники и здравствените власти.
„Имаме поддршка од институциите, ние имаме одлична соработка со директорот, имаме одлична соработка со министерот, нешто што не охрабрува е поддршката од министерот да истраеме во оваа борба“, вели Азири.
Целата изјава низ видеото подолу: