САД ги погоди силно зимско невреме: Прогласена е вонредна состојба која погоди повеќе од 60 милиони луѓе

Повеќе од 60 милиони Американци се погодени од моќна зимска бура која може да донесе најобилни снежни врнежи и најниски температури во повеќе од една деценија.

Вонредна состојба досега е прогласена во седум сојузни држави погодени од оваа зимска бура, која донесе снег, мраз, ветер и температури слични на Арктикот.

Според Националната метеоролошка служба, Канзас и Индијана најверојатно ќе забележат најмалку 8 инчи снег, додека Арканзас, Луизијана и Тексас се под предупредување за торнадо.

🌈🌍👉On (04.01.2025)Snow Avalanche in the State of Utah, USA. pic.twitter.com/nO8mGXMjG1

— 🦅Global Climate Crises🦅 (@champion777_) January 5, 2025

Областите меѓу централниот дел на Канзас и Индијана веројатно ќе доживеат обилни снежни врнежи, со голема веројатност (60-90 проценти) од најмалку 8 инчи снег, најобилните снежни врнежи во една деценија, соопшти Националната метеоролошка служба (NWS) на платформата X.

Овие услови придонесоа за силни ветрови до 72 км/ч во Канзас и Мисури, а NWS издаде предупредувања за бура за Њу Џерси за понеделник и вторник.

🚨BREAKING
WINTER WEATHER CHAOS!
Millions of people across the Central U.S. to the East Coast are preparing for major travel disruptions caused by a massive storm that is expected to bring extreme cold, snow and ice along a 1,500-mile-long zone this weekend. Meteorologists are… pic.twitter.com/GIWP3ns5fw

— John Cremeans USA (@JohnCremeansUSA) January 3, 2025

Метеоролозите велат дека екстремното време е предизвикано од поларниот вител, област на студен воздух што го обиколува Арктикот, носејќи студено време во централниот дел на САД.

Гувернерот на Кентаки Енди Бешеар ги повика жителите да „останат дома“ по извештаите за повеќекратни несреќи.

Во Вирџинија, полицијата забележа најмалку 135 сообраќајни несреќи додека невремето ја зафати државата во неделата. Евидентирани се неколку повредени, но нема смртни случаи, јавува ДВ.

Полицијата во Мисури извести дека интервенирала во речиси 600 возила кои останале блокирани и во 285 сообраќајни несреќи.

Според веб-страницата за следење летови FlightAware, откажани се речиси 2.200 летови, а забележани се над 25.000 доцнења, пренесува Dnevnik.hr.

Невремето продолжува кон брегот, а ниските температури се очекува да продолжат и во вторник. Многу училишта одлучија да останат затворени во понеделникот, вклучително и јавните училишта во Индијанаполис, Синсинати, Вашингтон и Филаделфија.

Од понеделник се очекува подобрување на временските услови.