Две постари Британки изразија остри критики за авиокомпанијата Џет2, бидејќи поради невнимание на авиопревозникот наместо на Мајорка по грешка пристигнале на островот Менорка каде сакале да патуваат.
Грешката се случила и покрај тоа што билетите им биле проверувани неколку пати за време на качувањето, пренесува британскиот таблоид Мирор.
Линда Трестрејл (69) и Венди Расел (71) ја забележале грешката дури кога пилотот најавил слетување во Менорка.
Британската нискобуџетна компанија Jet2 се извини за пропустот, наведувајќи ја „човечката грешка“ и проблемот со итните служби на аеродромот во Бристол.
Сепак, двете жени се револтирани од серијата пропусти со кои се соочиле и тврдат дека не добиле никаков надомест.
„Слушате за торби кои одат на погрешни летови, но не и за луѓе. „Причината зошто ја резервиравме Мајорка е краткиот лет, знаевме дека мобилноста не ни е добра, па не сакавме долго патување“, изјави Линда.