Над 150 случаи на семејно насилство во Тетово се пријавени во текот на 2022 година. Податоците на Секторот за внатрешни работи покажуваат дека минатата година освен насилство врз жените, имало и пријави за насилство врз мажи кои биле нападнати од нивните сопруги.
„Во текот на 2022 година имаме евидентирано 153 случаи на семејно насилство, треба да се спомне дека не е веќе табу тема во регионот да се пријави и насилството на жените врз мажите, при што во 2022 година имаме 37 вакви случаи“, вели Фатмир Реџепи.
Небахате Имери-Зибери од Центарот „Кортекс“ вели дека бројот на насилството врз жените не е зголемен, но зголемувањето на пријавите направило бројот на случаи на насилство да изгледа голем. Според неа, тоа покажува дека жените се повеќе го осудуваат насилството.
„Всушност, ова покажува зголемување на пријавите, а не зголемување на жртвите на семејно насилство, што всушност можеби е затоа што со отворањето на центарот за поддршка на жените, жените се уверија дека имаат врата на која можат да тропнат и да се потпрат во сите институции. Тоа не укажува дека насилството е зголемено, само укажува на таа храброст и желба за живот без насилство“, вели Небехате Имери.
На државно ниво, во текот на 2022 година во полиција биле пријавени 579 случаи на семејно насилство.