Од 18 илјади денари, минималната плата се покачува на 20,175 денари. Ова е одлуката што ја донесе владата на денешната седница и со оваа одлука граѓаните во април ќе добијат покачена плата.
И министерката за труд и социјална работа, Јована Тренчевска рече дека државата презема мерки за да има постојано зголемување на минималната плата.
Вицепремиерот за економски прашања Фатмир Битиќи потсети дека покачувањето на минималната плата почнало уште во 2017 и ќе продолжи и понатаму.
Синдикатите ја поздравија одлуката, меѓутоа велат дека со покачувањето на цените ниту две покачени минимални плати не ја покриваат потрошувачката кошница која изнесува над 51 илјада денари.
Синдикалците велат дека покачувањето на минималната плата без усогласување со просечната плата на вработените нема да има ефект бидејќи предизвика реакции од вработените.