Од година во година се намалува бројот на ученици низ училиштата во Македонија. Според податоците од ДЗС за учебната 2021/22, бројот на ученици во основните училишта е 186.649 што претставува пад за 0,5% споредено со минатата година.
Бројот на ученици во средните училишта е 71.018 што претставува пад од 1,1% споредено со претходната учебна година. Според некои статистички податоци од последните 10 години, имаме над 30 илјади уленици помалку во основните училишта, над 22 илјади ученици помалку во средните училишта и над 10 илјади студенти помалку.
Професорот Ратко Дуев вели дека намалувањето на бројот на ученици е голем предизвик за образованието, затоа се потребни реформи кои ќе понудат поквалитетно образование за младите во земјава.
Ректорот на факултетот Кирил и Методиј вели дека потребни се сериозни реформи во образованието од квалификувани луѓе и професионалци.
И професорката Елизабета Томевска вели дека освен намалувањето на бројот на ученици, следниве години ќе ги почувствуваме и последиците од пандемијата кога училиштата беа затворени подолг период.
Што се однесува до матурантите, во 2013 имало 19.289 матуранти, во 2015, 17.600, во 2016, 16.859, о 2019, 15.553, во 2020 имало 13.200, а оваа година 16.605 матуранти.