Gjatë orëve të mëngjesit njësitë patrulluese të Stacionit Policor në Suharekë, kanë arritur të ndalojnë katër kamionë të mbushur me masë drusore për ngrohje e cila me gjasë ishte prerë ilegalisht në bjeshkët mbi fshatin Mushtisht.
Policia njofton se dy kamionë janë ndaluar në rrugën magjistrale Prizren-Suharekë ndërsa dy të tjerë në afërsi të fshatit Sopijë.
“Kamionët janë deponuar në depon e pylltarisë ndërkaq policia ka ngritur kallëzim penal ndaj katër shoferëve të dyshuar, të gjithë nga fshati Vraniq”, thuhet në njoftimin e Policisë.
Ndërkohë, masa drusore prej rreth 30 metra kub dhe mjetet me të cilat është kryer vepra penale janë sekuestruar në cilësi të provës materiale.
Sekuestrohen 4 kamionë me drunj të vjedhur
НАЈНОВИ ВЕСТИ
