Семејствата на 14 жртви за модуларната болница во Тетово на протест, бараат разрешување на Јовески и повторно судење

Од Тетово до Скопје. Со зборовите 32 години држава, 32 години корупција која убива, правда бараат семејствата на 14-те жртви во пожарот во модуларната болница во Тетово. Преку протест организиран на плоштадот Скендербег, а марширајќи пред Јавното обвинителство побараа разрешување на главниот обвинител Љубомир Јовески.
Членовите на семејството се сомневаат дека обвинителството ги сокрило фактите за тендерот и монтирањето на модуларната болница, а покрај за Јовески бараат оставки и од четворица други обвинители.

Членовите на семејствата бараат истрага и ново обвинение за причините за пожарот. Доколку не се послушаат нивните барања, тие предупредуваат на други начини на протестирање, за разлика од овие кои досега беа мирни. На протестот главно присуствуваа членови на семејствата на загинатите, но беа присутни и граѓани од Скопје.

Потсетуваме дека за оваа трагедија поранешните директори на болницата Фљорин Бесими и Артан Етеми се осудени на 1 и пол година затвор. Истите не смеат да го повторат делото во период од три години.