Северна Кореја се очекува да добие речиси два милиони дози вакцина против Ковид-19 развиена од АстраЗенека и Универзитетот Оксфорд до крајот на првата половина на годината, јави агенцијата Јонхап.
Агенцијата наведува дека системот Ковакс потврдил оти на Северна Кореја, до крајот на првата половина на годината, ќе и дистрибуира 1.922.000 дози вакцини на АстраЗенека произведени под лиценца на индискиот институт Серум, најголемиот светски производител на вакцини.
Северна Кореја е една од земјите која нема пријавено случај на коронавирус, иако многумина се сомневаат во тоа, со оглед дека оваа земја важи за една од „најзатворените“ во Светот.