Шкендија со големо „реми“ се враќа од Стокхолм, Шкупи поразен во Даблин (ВИДЕО)

ПОСЛЕДНИ ВЕСТИ

Шкендија останува непоразен тим во настапите во Европа, откако вечерва успеа да извлече големо реми во дуелот со АИК Стокхолм, и тоа на гостински терен во првиот меч во 3. квалификациско коло во Лигата на Конференции.

Тетовци водеа со голот на Хасани во 26. секунда, а израмни искусниот Гуидети во 17. минута. До крајот на натпреварот и Шкендија и домашниот тим имаа прилики за поинаков резултат, но голови немаше.

Реваншот се игра во Скопје идниот четврток.

Лошо мина екипата на Шкупи, која е поразена од Шамрок Роверс од Ирска со 3-1. На гостувањето во Даблин, домашниот тим имаше 2-0 по првиот дел со головите на Бурке и на Вотс. Во вториот дел Куевен постигна прекрасен гол и намали на 2-1, но во последните секунди од мечот О’Нил постигна погодок за конечни 3-1. Во меѓувреме Шкупи при 2-1 остана и со играч помалку после црвениот картон на Хамиди.

Реваншот Шкупи го игра во вторник на Националната Арена „Тодор Проески“.