Коалицијата ВРЕДИ и коалицијата предводена од ВМРО-ДПМНЕ ги продолжуваат преговорите за поделба на ресорите во новиот владин состав. Целта на коалицијата ВРЕДИ е функцијата претседател на Собранието да му припадне на Албанец, поточно на еден од пратениците од коалицијата ВРЕДИ. За поделбата на министерските позиции, Таравари во интервју за РТК вели дека ќе водат со оние министерства за кои имаат стручен кадар. Не се наведува колку министерства ќе предводат.
-Верувам дека една од трите главни функции на државата, а тоа е претседателот на Собранието, ќе продолжат да ја имаат Албанците. А значителен број министри, особено таму каде што имаме експерти, ние како партија ВРЕДИ ќе ги поставиме-изјави Таравари.
Но, во идната Влада, ако ВМРО успее да обезбеди 80 пратеници во Собранието, ќе се обиде да ја преструктуира Владата. Стефан Андоновски од оваа партија вели дека првично Министерството за политички систем, кое досега го водеше Артан Груби, ќе се нарекува министерство за односи меѓу заедниците, а кое ќе се грижи за сите заедници во државата.
Андоновски исто така додава дека нема да има прв или втор вицепремиер. Според тоа што го кажа пред два дена Арбен Таравари од ВРЕДИ, до петок ќе заврши распределбата на ресорите.
Со кои министерства ќе раководи ВРЕДИ? Андоновски од ВМРО-ДПМНЕ: Министерството за политички систем нема смисла
НАЈНОВИ ВЕСТИ
