Денеска попладне се случи сообраќајна несреќа кај селото Коларе на патниот правец Стража–Кичево, во која учествуваа четири патнички возила.
На местото на несреќата се екипи од итната медицинска помош, како и полициски службеници кои вршат увид за утврдување на причините за судирот.
Портпарол на СВР Охрид, Стефан Димовски за ТВ21 истакна дека четири лица се со полесни повреди, а сообраќајот моментално се враќа во нормала.
Според него, има голема материјална штета.
Сообраќајот на овој дел од патот беше времено отежнат.