Премиерот Оливер Спасовски од Куманово најави можно затворање на градот, само доколку стручните лица и епидемиолозите сметаат дека има потреба, и дека на тој начин ќе се спречи ширењето на коронавирусот.
„Јас не сум за најстроги блокади, но секако дека ќе дискутираме. Ќе ја разгледаме и можноста за затворање на Куманово. Ако епидемиолозите и стручните лица сметаат дека на тој начин е најдобар начин во спречувањето на ширењето на вирусот, ќе ја донесеме и таа мерка“, рече Спасовски кој направи компарација на карантинот во Дебар и во Куманово.
„Не може да се направи таква компарација. Дебар има 9 илјади жители, а Куманово 120 илјади, и тоа не е исто“, потенцираше Спасовски.