Оливер Спасовски, техничкиот премиер денеска присуствуваше на почнувањето на градежните работи за спортски базен во Тетово. Тој се обрати на медиумите заедно со директорот на АМС, Дарко Каевски.
„Ова е голем ден, почнуваме важен проект за иднината на младите луѓе и спортот. Започнуваме проект на изградба на 14 затворени базени, проект на АМС и на Владата. Вложуваме во спортот. Горд сум што вложуваме во спортот преку ваучерскиот систем, воведовме физичко образование од прво одделение, тоа покажува за идеите и намерите. Им бладорам на сите кои овозможија овој проект да стартува“, рече Спасовски.
Тој додаде дека оваа влада ќе инвестира на сето она што им е потребно на граѓаните, наместо на бетон.
„Нема ништо инвестирано 20 години. Фрлаа пари за бетон и за проекти како Скопје 2014, а оваа влада инвестира во изградба на водовод и канализација онаму каде што нема“, рече Спасовски.