Спасовски: Преку VPN е многу тешко, скоро невозможно да се открие од каде доаѓаат дојавите за лажни бомби

Министерот за внатрешни работи Оливер Спасовски вечерва во емисијата „10 Минути“ на ТВ21 истакна дека преку VPN е многу тешко, скоро невозможно да се открие од каде доаѓаат лажните дојави за бомби.

Тој вели дека ова е дел од таа хибридна војна што се води.

„Мислам дека токму сега е избран тајминг кога имаме и состојба во која што имаме висок ризик за организација на настан. Осум средни училишта и едно основно училиште на територија на Скопје имавме денеска. Сите проверки се завршени, дојавите се лажни“, вели Спасовски.