Група средношколци денеска ја посетија ТВ21 во рамките на медиумската писменост што ја организира Институтот за комуникациски студии.
Имаа можност од блиску да се запознаат со работата во телевизија, а со новинарите и уредниците поразговараа на темата – лажни вести.
Учениците покажаа интерес и поставуваа прашања – како да ги препознаат лажните од точните вести.
Учениците дојдоа во придружба на нивните професори, а посетите се реализираат во рамките на Медиумскиот ден каде бројни средношколци посетија неколку телевизии и онлајн медиуми.