Британскиот премиер Кир Стармер утрово остро го осуди руското навлегување во полскиот воздушен простор, нарекувајќи го „крајно загрижувачко“.
Стармер го опиша нападот врз Украина како „варварски“ и додаде дека тоа е „длабоко неодговорен потег на Русија што само го потврдува очигледното непочитување на мирот од страна на Путин и постојаното бомбардирање на невини Украинци“.
Тој рече дека разговарал со полскиот премиер Доналд Туск за „јасно да ја изрази поддршката на Велика Британија“. „Вистински сум благодарен на НАТО и полските сили кои брзо реагираа за да ја заштитат Алијансата“, рече Стармер.