Македонскиот првак Струга ТЛ ќе игра против словачкиот шампион Слован Братислава во првото квалификациско коло во Лигата на шампионите.
Стружани добија тежок противник, кој лани играше во 1/16 финалето на Лигата на Конференции, откако ја мина групата. Таму настапуваат многу словачки репрезентативци кои играат на актуелното Европско првенство, а најзвучно име е Јурај Куцка, кој е поранешен член на Милан.
Своите противници ги добија и Шкендија и Тиквеш. Шкендија за ривал ќе го има ерменскиот тим Ноах, додека кавадаречкиот тим и освојувач на Купот го доби Бреидаблик од Исланд.