Утрото во Македонија донесе ниски температури, при што најстудено беше во Берово со измерени –5 степени. Температури под нулата се регистрирани и во Битола и Струмица (–4), како и во Скопје-Петровец и Штип (–3 степени). Во Демир Капија, Велес и Куманово утринската температура изнесуваше –2 степени, додека –1 степен беше измерен во Тетово, Скопје-Зајчев Рид, Кавадарци, Гевгелија, Прилеп, Маврови Анови и Претор. Нулта температура е измерена во Крива Паланка и на Попова Шапка, додека најтопло утринава беше во Крушево со 2 степени, по што следат Виница со 2 и Охрид со 1 степен.
Во текот на денот времето ќе биде променливо облачно со сончеви периоди. Претпладне по одделни котлини се очекува појава на магла, а ќе дува слаб ветер од југоисточен правец. Максималните дневни температури ќе се движат од 6 до 13 степени.
Во Скопје времето ќе биде променливо облачно и тивко, со појава на магла во утринските часови. Максималната дневна температура во главниот град ќе достигне до 7 степени.