Четириесет и шест лица загинаа кога судански воен авион се урна во станбена област во близина на воениот аеродром во главниот град Омдурман, соопшти државната канцеларија за медиуми во Картум, а воени извори велат дека меѓу загинатите има и висок командант.
Несреќата се случила доцна во вторникот во близина на воениот аеродром Вади Саџидна во северниот дел на Омдурман. Суданската војска соопшти дека во инцидентот загинале неколку воени лица и цивили, но не наведе повеќе детали.
Воени извори соопштија дека авионската несреќа најверојатно се случила од технички причини.
Прес-службата соопшти дека се повредени и 10 лица.
SUDAN ⚡🔥 A military plane crashed on takeoff in Omdurman, leaving 20 dead and injured. The army confirmed that the Antonov aircraft suffered a technical failure. pic.twitter.com/WYVOXFLFL2
— Monitor𝕏 (@MonitorX99800) February 26, 2025