Едно лице загина кога два товарни воза се судрија на мост во Минхен во раните утрински часови, предизвикувајќи два вагона да излезат од шините и да се срушат на патот под надвозникот, според извештајот на локалната полиција.
Причината за инцидентот се истражува, изјави за Ројтерс портпарол на полицијата во градот во јужна Германија. Службите за итни случаи беа предупредени за судирот во северниот минхенски округ Милбертсхофен во 1:40 часот наутро, а околу 60 лица од службата за итни случаи беа испратени на местото на настанот, изјави портпарол на противпожарната служба.
Два вагони паднаа од мост на двонасочен пат со повеќе ленти.
++EIL++
— Dr. David Lütke (@DrLuetke) June 20, 2026
In #München sind heute Nacht zwei Wagons eines #Güterzug|s mal eben von einer Brücke gestürzt. Eine Person wurde schwer verletzt.
Die marode deutsche Infrastruktur wird zunehmend lebensgefährlich… pic.twitter.com/7EBL97a3e0
Товарот што го превезуваат возовите сè уште не е познат, но полицијата изјави дека не станува збор за опасен материјал и дека нема опасност за граѓаните.
Исто така, не е јасно кога вагоните ќе бидат извлечени, а областа би можела да остане затворена до недела.
Несреќата се случила на линија што ја користат исклучиво товарни возови, изјави портпаролката на железничкиот оператор „Дојче Бан“. Нема прекини во регионалниот или меѓуградскиот сообраќај.