Денешната програма на Светското првенство носи шест интересни натпревари, со настап на неколку селекции кои важат за фаворити во своите групи.
Првите два натпревари започнуваат во 21:00 часот, кога силите ќе ги одмерат Норвешка и Франција, додека во истиот термин ќе играат и Сенегал и Ирак.
Во ноќниот термин, од 02:00 часот, на програмата се дуелите меѓу Кабо Верде и Саудиска Арабија, како и натпреварот Уругвај – Шпанија, кој се очекува да биде еден од најинтересните во денешната програма.
Рано изутрина, од 05:00 часот, Нов Зеланд ќе се соочи со Белгија, додека Египет ќе игра против Иран.
Со овие средби продолжува групната фаза на Светското првенство, во која секој освоен бод може да биде пресуден во борбата за пласман во следната рунда од натпреварувањето.