Дојде да ја поддржи својата ќерка како претседателски кандидат. Ова е таткото на Мерсиха Смаиловиќ од Бошњачки демократски сојуз која собира потписи како прва кандидатка за Претседател од бошњачката заедница.
Освен татко ѝ, за да се потпише дојде и сопругот на нејзината тетка, кој рече дека Мерсиха нема потреба од совети.
„Таа е попаметна отколку ние. Не треба да и даваме совети, таа си знае што и како. Мислам дека ќе ја застапува бошњачката заедница како што треба.“, рече Тахир Хасановиќ, роднина на Смаиловиќ.
За 24 часа Мерсиха собрала 523 потписи. Инаку, како што е познато, таа е и граѓански активист. Во својата граѓанска определба, активна е во областа на застапување за човекови права, дискриминација, родова еднаквост, правата на етничките групи.