Во Тетово никој не се занимава со кучињата скитници. Тендерот за нивното третирање што го имаше Амос Пет заврши, а на општината и остана само комисијата која ги оценува бодовите за обештетување од каснувања. Ова го потврдува и претседателот на општинскиот совет Бесар Дурмиши кој додава дека општината не може да постигне договор со некои заинтересирани за третирање на кучињата.
Бесар Дурмиши: Како што дознаваме, договорот со нив заврши, постигна ефекти но не задоволителни.
– Новинар: Дали ова значи дека сега никој не се занимава со кучињата скитници?
Бесар Дурмиши: Тоа значи дека се занимава секторот што е во рамките на образованието, има одговорни лица.
– Новинар: Што прават поконкретно?
Бесар Дурмиши: Тие се занимаваат со овие случаи и кај нив се обраќаат сите граѓани кои се чувствуваат загрозени или каснати од кучиња скитници.
– Новинар:Значи само проценуваат кој е каснат, додека никој не се занимава со третирање?
Бесар Дурмиши: Во моментов нема здружение или компанија која се занимава со третман на кучињата скитници.
Ветеринарот Рами Селмани вели дека во Тетово кучињата се потенцијална опасност, бидејќи не се вакцинирани и не се третираат. Според него, најдобар начин е да се третираат 12 месеци, да се кастрираат, вакцинираат и чипираат.
„Доколку не се преземат непрекинати мерки и има разумен буџет за оваа работа, во Тетово ќе има многу каснувања бидејќи се уште се собираат и тоа создава голема опасност за граѓаните. Барем да се вакцинираат, да се вакцинираат против беснило, да се стерилизираат, да се стерилизираат и повторно да се пуштат на истото место“, вели Рами Селмани.
Според договорот, Општина Тетово на здружението „Амос Пет“ му платила 300 евра за третирање на куче скитник, додека договорот предвидувал заловување и третирање на 82 кучиња. И покрај ова, бројот на кучиња во Тетово не се намалил, а од наведеното здружение не дале отчет каде се заловените кучиња скитници од градот.