Трагична сообраќајка на патот Сарај-Рашче – три жени и еден маж го загубија животот, 4-годишното дете е добро

Вчера попладне околу 16 часот полицијата добила пријава  дека на патот Сарај-Рашче автомобил излетал од патот и паднал во реката Вардар.На местото на настанот, покрај жителите , набрзо пристигнала и полиција, брза помош и од обвинителството.

Лоцирано и обезбедено е местото каде што паднал автомобилот , но беа потребни часови и многу напорана работа  пред возилото да биде извлечено од водата.

Околу 21 часот, според  соопштението на МВР, специјалната единица „Тигри“ од реката го извлекла автомобилот тип „ауди“ со скопски регистарски ознаки. Во него се пронајдени телата на три жени, Н.А. (23) В.А. (25) и З.А. (59), сите три од скопското село Грчец.

Лекарот од итната помош на лице место констатирал смрт, додека според МВР, по наредба на обвинител телата се однесени на обдукција. Од првите информации обвинителството соопшти дека возилото најверојатно го управувал еден од починатите.

Но оваа трагедија не завршува со тука, бидејќи полицијата од роднини на семејството дознала дека во возилото се возело и 4 годишно дете и еден 56 годишен маж со иницијали А.А.

За среќа детето преживеало и е на лекување во болницата 8 Септември поради телесните повреди. Од Обвинителството велат дека детето било најдено надвор од автомобилот. Но 56 годишникот не можеа да го пронајдат. Акцијата за негово пронаоѓање продолжи синоќа и денеска. Беа ангажирани и полициски тимови а беа пуштени и два дрона.

Безживотното тело на 56 годишниот маж е пронајдено денеска,  околу 15 часот.

Од Обвинителството велат дека и покрај тешкиот и непристапен терен, преземени се сите активности за пронаоѓање траги и докази со цел да се откријат причините за несреќата, а ќе се издаде и наредба за вештачење на автомобилот. Исто така се земени изјави од очевидци како и семејствата на жртвите со цел откривање на околностите кои довеле до несреќата.