Американскиот претседател Доналд Трамп изјави дека официјално го номинирал вршителот на должноста секретар за морнарица, Хунг Као, за постојана функција на чело на ова министерство.
„Задоволство ми е да го номинирам вистинскиот борец, Хунг Као, за следен секретар за морнарица. Ни се потребни патриоти како Хунг, кои ќе ги предводат нашата морнарица и маринскиот корпус, и не можам да замислам никој подобар од него да се погрижи нашата голема морнарица и маринскиот корпус да останат најмоќната и најдобрата сила што светот некогаш ја видел“, напиша Трамп во објава на „Truth Social“.
Трамп соопшти дека го номинирал Хунг Као за функцијата секретар за морнарица еден ден откако ја прифатил оставката на секретарот на Армијата, Ден Дрискол, и четири месеци откако беше сменет поранешниот секретар на морнарицата Џон С. Фелан.
Хунг Као во изминатите четири месеци ја извршуваше функцијата вршител на должноста секретар на морнарицата, по смената на Џон С. Фелан.
Трамп го повика Сенатот што поскоро да ја потврди номинацијата на Хунг Као за министер за морнарица. Номинацијата сега треба да помине низ процедура за потврда во Сенатот.