Претседателот на САД, Доналд Трамп истакна дека САД направиле многу повеќе од другите земји за да ја добијат Втората светска војна.
Тој додава дека го прогласил 8 мај за Ден на победата во земјата.
„Многу од нашите сојузници и пријатели го слават 8 мај како Ден на победата, но ние направивме повеќе од која било друга земја, убедливо, во постигнувањето победнички резултат во Втората светска војна. Со ова го преименувам 8 мај како Ден на победата за Втората светска војна, а 11 ноември како Ден на победата за Првата светска војна“, се вели во објавата.
Трамп нагласи дека „ние“ (веројатно мислејќи на САД) ги добивме обете војни, но не ги славиме поради недостаток на лидери кои знаат како да го сторат тоа. Сепак, работите сега ќе бидат поинакви“, наведе Трамп.
„Ги добивме обете војни, никој не ни беше близок во однос на силата, храброста или воената брилијантност, но никогаш не славиме ништо Тоа е затоа што повеќе немаме лидери кои знаат како да го сторат тоа! Ќе почнеме повторно да ги славиме нашите победи!“, заклучи Трамп.