Трамп: Имаме договор со Русија, мислев дека ќе биде полесно да се договориме со Зеленски

Американскиот претседател Доналд Трамп изјави дека Русија е подготвена да потпише мировен договор, но дека убедувањето на Украина да се согласи со договорот е „потешко отколку што очекуваше“.

„Мислам дека имаме договор со Русија. Мораме да се договориме со Зеленски и се надевам дека ќе направиме. Мислев дека ќе биде полесно да се договориме со Зеленски. Досега беше потешко. Но, добро, тоа е во ред“, им рече Трамп на новинарите во Белата куќа.

Тој додаде дека верува оти има „договор од двете страни“ и изрази надеж дека тој ќе се реализира.

„Сакам да спасувам животи. Трошиме многу пари, но тука се работи за хуманост“, рече Трамп.

Претходно истиот ден, Трамп го критикуваше украинскиот претседател Володимир Зеленски за изјавата на прес-конференција во вторникот на која тој ја отфрли можноста за признавање на руската окупација на Крим.

„Оваа изјава е многу штетна за мировните преговори со Русија, имајќи предвид дека Крим беше изгубен пред многу години во времето на Барак Обама, и повеќе не е ниту тема на разговор“, напиша Трамп на социјалните мрежи.

„Никој не бара Зеленски да го признае Крим како руска територија, но ако тој го сака тоа, зошто не се бореа за него пред единаесет години кога и беше отстапен на Русија без ниту еден истрел?