Претседателот на САД Доналд Трамп во четврток наутро во објава на Truth Social објави дека ѝ наредил на американската морнарица да изврши смртоносни напади врз секој брод што поставува мини во Ормутскиот теснец.
„Им наредив на морнарицата на Соединетите Американски Држави да го гаѓаат и уништат кој било брод, без разлика колку е мал (нивните воени бродови се СИТЕ, 159 од нив, на дното на морето!), кој поставува мини во водите на Ормутскиот теснец“, напиша претседателот во објавата.
„Не треба да има двоумење. Покрај тоа, нашите „миночистачи“ сега го чистат теснецот. Наредувам оваа активност да продолжи, но на трипати повисоко ниво! Ви благодарам за вниманието кон ова прашање“, додаде тој.
