Во експлозија која се случила денеска попладне во местото Ланчово во северозападниот дел на словенија, загинаа три лица.
Според првите информации, експлодирала печка на тврдо гориво, но оваа вест не е потврдена. Лица од крим техника и полицијата земале примероци, кои се испитуваат.
Експлозијата се случила во изнајмен објект, а во близина имало локална продавница.
Истрагата продолжува утре, кога треба да се знае што ја предизвикало експлозијата.
Словенечките медиуми наведуваат дека загинатите лица биле на 41, 20 и 40 години. Наводно едните биле татко и син, а третото лице сосед.