Поранешниот премиер на Грција Алексис Ципрас во ексклузивно интервју за ТВ21 истакна дека овој процес не бил лесна постапка.
„Беше тешка постапка, болна, имавме многу средби, тешки состаноци. Напред-назад… Се сеќавам, карактеристично дека во еден момент се најдовме во безизлезна ситуација. Ако се сеќавам добро, постоеше немоќ во врска со промената на уставот. Во еден момент и јас и Зоран пријателски рековме направивме што можевме, не може да се најде решение, работевме чесно но веројатно друг пат… Се поздравивме, но во еден момент му реков можеби е добро една седмица да се одмориме…Ако се сеќавам добро беше лето. Да оди на одмор и после со почист ум, да разгледаме повторно. По една седмица ми се јави и рече ајде да разгледаме, да се состанеме повторно и така од момент каде бевме на крајот на еден пријателски и амбициозен обид, го најдовме излезот на патот и мислам дека постигнавме еден историски Договор “, посочи Ципрас.
Тој вели дека премиерот Зоран Заев одел многу често во Грција, односно дека родното место му е поблиску до Солун од Скопје.
„Знам дека го поминува одморот на Халкидики и се договоривме годинава да се сретнеме порелаксирано. Веројатно и да се потсетиме на тешките моменти и да поразговараме за иднината , затоа што колку што постигнавме досега, да постигнеме уште повеќе во иднина“, додава Ципрас.