Две лица, меѓу кои и една ученичка, загинаа, а повеќе други се повредени откако училишен автобус се превртел на покрив во ланчан судир во централниот дел на Флорида, соопштија властите.
Во училишниот автобус имало околу 40 патници. Автобусот се движел кон средното училиште „Винтер Хевен“ во истоимениот град кога во него удрил автомобил, изјави шерифот на округот Полк, Грејди Џад, на прес-конференција, пренесува АП.
„Тоа беше страшен судир. И ужасно трагично утро“, изјави шерифот.
Засега не се соопштуваат дополнителни детали за околностите под кои се случила несреќата.