Укината забрана за публика во Детската лига – ФФМ ги поканува родителите и поддржувачите повторно на стадионите

Фудбалската федерација на Македонија со задоволство најавува старт на втората полусезона во ФФМ Детската лига, натпреварување што им овозможува на најмладите таленти да ја покажат својата пасија за фудбалот. Ова е платформа каде што младите играчи учат, се забавуваат и го развиваат спортскиот дух, додека истовремено се натпреваруваат и стекнуваат нови вештини на теренот.

Важна информација за продолжението на натпреварите во Детска лига – родителите и поддржувачите повторно ќе можат да ги следат натпреварите на трибините на тренинг центарот „Петар Милошевски“ и да уживаат во моментите кога нивните деца ги прават првите чекори во фудбалскиот свет. Се со цел да создадеме позитивна и пријателска атмосфера, ги повикуваме сите присутни да го почитуваат спортскиот дух и фер-плејот, не само на теренот, туку и надвор од него.

Порака до родителите и тренерите на екипите од одделот во ФФМ задолжен за организација на Детската лига:

Фудбалот е повеќе од игра – тоа е лекција за тимска работа, почит и напорна работа. Децата најдобро учат кога играат во средина исполнета со поддршка, а не со притисок. Затоа, Ве охрабруваме:

-Навивајте со почит кон сите играчи, тренери и судии.

-Бидете позитивен пример – прифатете ги резултатите со спортски дух, без навреди и негативни коментари.

-Оставете ги децата да уживаат во играта, без непотребни притисоци и очекувања.

-Запомнете дека секое дете има свој степен на развој – поддржете го во неговиот напредок.

Оваа лига е создадена за нив. Да учат, да напредуваат и да ја сакаат играта. Ве охрабруваме заедно да создадеме средина во која ќе растат како спортисти и како личности!

Ви благодариме за разбирањето и поддршката!

Од викендот на натпреварите во Детска лига се воведуваат неколку нови, но значајни промени во правилата.

1. Правилото шут на гол од центар се укинува, при изведување на топката од центар мора да се додаде на противник, во спротивно топката ќе се додели на противничка екипа

2. Голман, при гол аут или фатена топка мора да изигра во сопствена половина. Нема право да префрли преку центар

3. Офсајд останува за Детска лига само за генерација само со генерација 2012;4. Секоја генерација своите натпревари ќе ги играаат на свои терен обележан во различни бои