Украина лансираше повеќе од сто дронови на руска територија преку ноќ, насочени кон Москва и нарушувајќи го работењето на десетина аеродроми, соопштија руските власти.
Градоначалникот на Москва, Сергеј Собјанин, извести за нови напади со беспилотни летала врз руската престолнина. Силите за воздушна одбрана соборија најмалку 18 дронови на пат кон Москва од различни насоки, објави Собјанин на Телеграм.
Руската воздушна одбрана соопшти дека соборила вкупно 105 дреонови во текот на ноќта.
Имаше и напади од руска страна. Во напад врз Харков избувнал пожар на најголемиот пазар во градот, Барабашово. Оштетени се неколку станбени згради и возила. Вкупно 11 лица се повредени во регионот Харков.
Најмалку три лица загинале во украинските напади врз Курската област, објави гувернерот на тој регион.
Massive Russian drone attack on Kharkiv last night. There were about 20 hits on the city.
Barabashovo market, the largest market in Kharkiv, is burning from the drone attacks. Thankfully, no one was hurt, although material losses from the fire will likely be huge. pic.twitter.com/USaAA67sTS
— Anton Gerashchenko (@Gerashchenko_en) May 6, 2025