Полицијата во Австралија обвини 17-годишен маж кој се качил во патнички авион вооружен со пушка и муниција.
Патниците и екипажот обединето го собориле на земја додека авионот се подготвувал да полета од аеродромот Авалон, во близина на Мелбурн.
Според објавеното видео, патник го држи лицето додека член на екипажот и пилотот го отстрануваат појасот што го носел осомничениот.
Се гледа и пилотот како го зема оружјето од тинејџерот, кој носи флуоресцентна јакна.
✈️ Es tendencia "Avalon Airport" – Pasajeros en Australia reducen a joven de 17 años que abordó avión disfrazado de trabajador de mantenimiento con una escopeta. Investigan cómo obtuvo acceso.pic.twitter.com/VILPwzk1Qz
— ¿POR QUÉ ES TENDENCIA EN 𝕏? + (@TTENDENCIASENX) March 7, 2025
17-годишникот, чиј идентитет се уште не е утврден, е приведен и ќе се појави на суд за да се соочи со осум обвиненија. Тие вклучуваат илегално преземање контрола на авион, загрозување на безбедноста на летот и создавање лажна бомба.
Државната полиција на Викторија соопшти дека експерт за деактивирање бомби морал да биде повикан на местото на настанот за да го пребара автомобилот и две торби лоцирани во близина.
Бери Кларк, еден од патниците кои помогнаа во приведувањето на младиот човек, изјави за австралиската јавна телевизија ABC дека тинејџерот изгледал облечен како вработен на аеродромот и бил видно нервозен.
„Единствено што успеав да направам е да му го извадам пиштолот од раце и потоа да го соборам на земја додека не дојде полицијата“, се сеќава тој.
Во инцидентот нема повредени, соопшти полицијата.
Авиокомпанијата активно работи со властите во истрагата на случајот.