ВИДЕО Вучиќ си лепи сликички на фото албум за ЕУРО2024

На социјалните мрежи се појави видео во кое српскиот претседател Александар Вучиќ пополнува фото албум за Европското првенство.

Албумот му припаѓа на неговиот седумгодишен син Вукан, кој само ја покривал Србија.

Тој побарал од својот татко Александар уредно да го залепи грбот на Српскиот фудбалски сојуз на него.

„Ја наполни само репрезентацијата на Србија, а тој ме замоли да му го залепам токму овој амблем на Фудбалскиот сојуз. Никој нема да спие во недела кога играме со Англичаните. Никој нема да биде на улица. Јас не знам луѓе, дали сите се правиме дека не очекуваме ништо, всушност, сите потајно се надеваме дека ќе ги победиме и Англичаните, Данците и Словенците“, додаде Вучиќ.

Da mi je neko pričao – ne bih mu/joj verovao… 🤭🤭🤭🤭😂😂😂😂🏆🥇 pic.twitter.com/qePqgkl3fp

— Doc Reacher ⭐️⭐️⭐️ (@DocReacher22) June 14, 2024

Потоа заврши: „Сега можеби ќе загубиме од сите, но најважно ни е луѓето да се борат, па ќе видиме“.

Инаку, Србија утре од 21 часот игра против Англија, а во групата се уште и Данска и Словенија.