Kryeministri i Rumanisë Viktor Ponta i cili është nën hetime për evazion fiskal dhe pastrim parash ka thënë se përkohësisht do të tërhiqet nga detyra për shkak të shkaqeve shëndetësore.
Ponta, i cili është në shërim në Turqi për shkka të lëndimit në një ndeshje basketbolli, do t’i dërgojë letër presidentit Klaus Johanis, nga i cili do të kërkojë që zëvendës i tij për 45 ditë ta emërojë zëvendës kryeministrin Gabriel Oprea, ashtu siq parashihet me Kushtetutën rumune, transmeton AFP.
Në porosinë në llogarinë e tij në Twiter, Ponta ka thënë se së shpejti do ta lëshojë spitalin pas operacionit të krahut por do t’i duhen disa javë që të shërohet.
Ponta e ka lëshuar Rumaninë të hënën, pa e lajmëruar presidentin.
Akuzat për korrupsion që janë ngritur ndaj tij e kanë sjellë Rumaninë në krizë politike.
Ponta është në hetime për shkak të dyshimeve për korrupsion në mes të vitit 2007 dhe 2011 kur ishte avokat, kujton AFP.
Viktor Ponta 45 ditë nuk do të jetë kryeministër i Rumanisë
НАЈНОВИ ВЕСТИ
