Вo петок можен процес за импичмент на Трамп во Сенатот

ПОСЛЕДНИ ВЕСТИ

Во ковид центрите во Скопје за 24 часа се хоспитализирани 34 пациенти, а вкупно се лекуваaт 286 болни, сомнителни и потврдени за КОВИД -19

Во изминатите 24 часа во ковид центрите во Скопје се хоспитализрани 34 нови пациенти поради компликации од корона вирусот....

Општина Центар ќе додели 400.000 денари за помош на Петриња во Хрватска

Советот на Општина Центар на вчерашната 59. седница донесе одлука да додели парична помош во висина од 400.000 денари...

Најзадоволни од професијата се ИТ професионалците и дизајнерите, најмалку вработените во производство, угостителство, економисти и правници

Над 70 отсто од економистите и над 50 проценти од правниците би ја промениле професијата, покажува истражувањето на  Brainster. На...

Без вода корисниците од повеќе улици од Скопје

Без вода денеска ќе бидат корисниците од улиците „Видое Смилевски Бато“, „Панче Неделковски“, „Ќемал Ататурк“ и „Коста Абрашевиќ“, информираат...

Полска најави правни активности против Фајзер за недоставување на сите вакцини

Полска би можела да преземе правни активности против американската фармацевтска компанија „Фајзер“, бидејќи не се доставени сите договорени количини...

Лидерите во Републиканската партија на САД ја разгледуваат можноста најрано в петок во Сенатот да почне процес за импичмент против претседателот Доналд Трамп, јавија американски медиуми повикувајќи се на извор.

Претставничкиот дом се очекува денеска да одобри обвинение против претседателот Трамп.

Висок советник на републикански сенатор истакна дека се уште не е донесена одлука дали да се почне процесот в петок.

Текстот резолуција за импичмент на шефот на државата беше доставен во понеделникот. Тој е обвинет за поттикнување бунт во врска со насилниот упад на Капитол пред една недела.

Внатрешни дискусии во Сенатот се одвиваат додека Претставничкиот дом , контролиран од демократите, се залага за импичмент на претседателот за неговата улога во минатонеделната опсада на Капитол од приврзаници на Трамп.

Според Уставот на САД, импичмент во Долниот дом ќе предизвика процес во Сенатот за тоа дали да се собори претседателот. Лидерот на мнозинството во Републиканската партија во Сенатот, Мич Меконел, претходно предложуваше дека нема процес да почне се додека Сенатот не треба да се врати на редовната седница на 19 јануари, само еден ден пред да заврши мандатот на Трамп.

Доколку за Трамп биде изгласан импичмент, потребно е двотретинско мнозинство од Сенатот предводен од републиканците за да биде тргнат од функција, што значи дека најмалку 17 републиканци во 100-члениот Горниот дом треба да го прогласат за виновен.

Сепак,постапката за отповикување од функција ќе биде тешко да помине брзо низ Сенатот каде демократите немаат двотретинско мнозинство, но се смета за симболичен акт.

– Тоа ќе има големо симболично значење, вели Шери Берман, политиколог од колеџот Бернард во Њујорк, кој смета дека противниците на Трамп сакаат да стават до знаење дека никој не е над законот.

– Претседателот придонесе за поттикнување на народот и го охрабри насилството. Затоа е важно за демократијата да се одговара за тоа, изјави Берман Тој објаснува дека Сенатот може да го дисквалификува Трамп, според член 14 од Уставот на САД, за да се кандидира за која било јавна функција. Значи, за претседателската кандидатура во 2024 година, која тој веќе ја објавува.

Симболично е дека на инаугурацијата на Џо Бајден ќе присуствува сегашниот потпретседател на САД Мајк Пенс, што покажа дека тој се уште ги почитува демократските традиции, но не и самиот Доналд Трамп. Според дел од американските медиуми, Трамп ќе одржи собир на неговите приврзаници на Флорида, додека според други ќе оди да игра голф во Шкотска. Кабинетот ќе биде испразнет ден претходно, на 19 јануари 2021 година, како што е најавено.