Непознати напаѓачи рано утрово фрлиле бомба врз локална канцеларија на шпанската левичарска партија Унидас Подемос, соопшти полицијата.
Нападот се случил во Картагена во југоисточна Шпанија, а пожарот ја оштетил фасадата на зградата.
Подемос за нападот ги обвини десничарски елементи во земјата.
– Уличниот тероризам на крајната десница нема да не заплаши, напиша на социјалните мрежи лидерот на партијата, Пабло Иглесијас, кој учествува на регионалните избори во Мадрид што ќе се одржат на 4 мај.