Претседателот на Собранието Талат Џафери на денешната изјава за медиумите по повод потпишувањето на Решението за распишување на предвремени избори за пратеници во Собранието на Република Северна Македонија истакна дека лидерите одлучиле да го вратат мандатот кај граѓаните, а сега обврска е на институциите да обезбедат услови за спроведување на фер и демократки избори.
„Апелирам до сите учесници во овој изборен процес – политички партии, партиски членови, членови на избирачките одбори и општинските изборни комисии и најважно од се медиумите да бидат на висина на својата задача да придонесат изборниот ден да биде свечен и да биде уште еден позитивен прилог во извештајот за напредокот на земјата што треба да биде објавен во март со што ќе дадеме свој значаен удел во позитивниот исход на Самитот во Загреб и да добиеме датум за почеток на преговорите со ЕУ“, изјави Џафери.