Струшкото село Враништа е едно од малкуте во кои се негува православната вера меѓу младите.
Околу 60 деца на возраст од 5 до 15 години, секоја недела посетуваат црковни часови.
Тие учат и пеат црковни песни, учат за верата, ја изучуваат Библијата, посетуваат цркви и манастири и организираат хуманитарни акции.
Свештеникот и учител прави спој на веронауката и образовниот процес, со цел да ги воспита децата да бидат чесни, да почитуваат, да сакаат и да помагаат.
Сите деца пеат во црковниот хор, учат, си играат и се дружат меѓу себе.
Верата е суштината на личноста на секој човек. Верското образование е неопходно за меѓусебно разбирање.
Учењето на вера е зачувување на вистинските вредности кон кои треба да се стремиме сите, велат родителите.
Веронауката има за цел да ги поттикне учениците да се однесуваат одговорно на училиште, во семејството и генерално во животот, да развијат дух на толеранција и почитување на различностите меѓу луѓето.